Չինաստանն ուշադրություն չի դարձնում ԱՄՆ-ի հակաիրանական պատժամիջոցներին
Ուշադրություն չդարձնելով ԱՄՆ նախագահ Դոնալդ Թրամփի կողմից Իրանի նկատմամբ սահմանված նավթային պատժամիջոցներին, Չինաստանը վերսկսել է իրանական նավթի ներկրումը:
Իրանական նավթ գնելու համար ԱՄՆ-ի արտոնությունները չեղարկվելուց հետո, չինական PACIFIC BRAVO նավթային լցանավը,որ կրում է իրանական նավթի առաջին բեռնվածքը ուղևորվել է դեպի Չինաստան:
ԱՄՆ Պետդեպարտամենտը մինչ այժմ չի արձագանքել PACIFIC BRAVO նավթային լցանավի կողմից պատժամիջոցների խախտմանը,սակայն հայտարարել է ,որ ցանկացած նավ հակաիրանական պատժամիջոցները խախտելու դեպքում պատժի կենթարկվի:
PACIFIC BRAVO լցանավը վերջերս է գնվել Կունլուն բանկի կողմից: Բանկը պատկանում է Չինաստանի ազգային նավթընկերությանը և Իրանի ու Չինաստանի միջև առևտուրը դյուրին դարձնելու շրջանակում է աշխատում:
Ըստ հաղորդման, PACIFIC BRAVO-ն առաջին լցանավը չէ ,որ իրանական նավթը ներկրում է Չինաստան: 2019 թվականի մայիսի 16-ին ևս «Մարշալ» անվամբ նավը մոտ 130 հազար տոննա իրանական նավթ ներկրեց Ժուսան քաղաք, խախտելով ԱՄՆ-ի սահմանած պատժամիջոցները: