Հյուսիսային Կորեան մերժել է ԱՄՆ-ի նախագահ Թրամփի շնորհավորական ուղերձը
Հյուսիսային Կորեայի արտգործնախարարի խորհրդականը նշել է, որ ԱՄՆ նախագահի կողմից այդ երկրի առաջնորդի ծննդյան օրվա առիթով հղած ուղերձը չի կարող նպաստել երկկողմ բանակցությունների վերսկսմանը:
New York Times- ի հաղորդման համաձայն, Քիմ Կիե Գուանն ասել է.«Չնայած Հյուսիսային Կորեայում առկա տնտեսական խնդիրներին՝ երկիրը չի ցանկանում հրաժարվել իր բոլոր միջուկային հնարավորություններից՝ ԱՄՆ-ի պատժամիջոցների մեղմացման դիմաց»:
Հյուսիսային Կորեայի արտգործնախարարի խորհրդականը քննադատելով ԱՄՆ-ի միակողմանի պահանջները հավելել է.-«Վաշինգտոնը խաբել է Փխենյանին և մեկուկես տարի երկարաձգեց բանակցությունները և դա կորցրած ժամանակ է Հյուսիսային Կորեայի համար»:
Հյուսիսային Կորեայի և ԱՄՆ միջև բանակցությունները փակուղի են մտել, քանի որ Փխենյանը կոչ է անում մեղմացնել այդ երկրի նկատմամբ կիրառված միջազգային պատժամիջոցները, սակայն Վաշինգտոնը պատրաստ չէ չեղարկել պատժամիջոցները: