Հուլիսի 1-ին տեսակապի ձևաչափով տեղի կունենա Ռոհանիի,Պուտինի և Էրդողանի հանդիպումը՝ սիրիական ճգնաժամը քննարկելու նպատակով
Իրանի, Ռուսաստանի և Թուրքիայի նախագահները տեսակապի ձևաչափով հանդիպում կանցկացնեն Սիրիայի ճգնաժամի վերաբերյալ: Այդ մասին հայտնել է Կրեմլի խոսնակը:
Դմիտրի Պեսկովն ասել է. «Իրանի, Ռուսաստանի և Թուրքիայի նախագահներ Հասան Ռոհանին, Վլադիմիր Պուտինը և Ռեջեբ Թայիբ Էրդողանը, Աստանայի գործընթացի շրջանակներում, հուլիսի 1-ին տեսակապի ձևաչափով հանդիպում կանցկացնեն Սիրիայի ճգնաժամի կարգավորման վերաբերյալ:
Ըստ հաղորդման, Իրանի, ՌԴ-ի և Թուրքիայի նախագահները նախքան եռակողմ բանակցությունների մեկնարկը, առանձին հաղորդագրություն կհրապարակեն:
Պեսկովի խոսքերով՝ բանակցությունների օրակարգում ներառված է Սիրիայի վերջին զարգացումների քննարկումը:
Աստանայի ձևաչափով նախագահների հանդիպումը նախատեսված էր 2020 թվականի մարտին՝ Թեհրանում, սակայն կորոնավիրուսի բռնկման պատճառով այն հետաձգվեց: