Մարոկկոյի ԱԳՆ-ն հայտարարել է, որ Աֆրիկան դարձել է ԻՊ-ի նպատակակետը
Մարոկկոյի ԱԳՆ ղեկավար Նասեր Բուրիտան հայտարարել է, որ Աֆրիկան դարձել է «Իսլամական պետություն» ահաբեկչական կազմակերպության նպատակակետը, փոխանցում է РИА Новости-ն։
Նրա կարծիքով՝ միջազգային կազմակերպությունները պետք է կենտորնանան այդ խնդրի վրա, ինչպես նաև այդ կապակցությամբ «շոշափելի աջակցություն» ցուցաբերեն արևմտյան Աֆրիկայի երկրներին։
«Աֆրիկան դարձել է ԻՊ-ի թիրախը և հայտնվել է նրա ուշադրության կենտրոնում։ Նա փորձում է ամրապնդել իր ներկայությունն Աֆրիկայում՝ համագործակցելով տեղի ահաբեկչական խմբավորումների և հանցախմբերի հետ»,- ասել է Բուրիտան։
Նրա խոսքով՝ այդ խմբավորումներից ավելի ու ավելի շատերն են հավատարմության երդում տալիս «Իսլամական պետությանը»։
Բուրիտան ենթադրում է, որ ահաբեկիչները, կորցնելով վերահսկողությունը Մերձավոր Արևելքի բազաների նկատմամբ, այժմ փորձում են գրոհայիններ և ֆինանսներ հայթայթել այլ տարածաշրջաններում։
ilur.am
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio