Ֆիլիպիններում բողոքում են Ջո Բայդենի ասիական շրջագայության դեմ
ԱՄՆ նախագահի ասիական շրջագայության դեմ բողոքող ցուցարարները, որոնք հավաքվել են Ֆիլիպիններում ԱՄՆ դեսպանատան մոտ, բախվել են ոստիկանության հետ:
ԱՄՆ նախագահ Ջո Բայդենը ուրբաթ օրը սկսել է իր վեցօրյա շրջագայությունը Արևելյան Ասիա: Նրա օդանավը վայրէջք է կատարել Հարավային Կորեա։
Ֆիլիպինների մայրաքաղաք Մանիլայում երկրի տարբեր շրջաններցի հավաքված ցուցարարները բողոքել են Բայդենի այցի և ԱՄՆ կառավարության կողմից տարածաշրջանում տարվող միլիտարիստական քաղաքականության դեմ:
Այսօր ԱՄՆ նախագահի Հարավային Կորեա կատարած այցի դեմ բողոքող ցուցարարները կրել են «Բայդենի այցը Հարավային Կորեա սրում է պատերազմական ճգնաժամը», «Մենք դեմ ենք ԱՄՆ-ի ներգրավմանը նոր սառը պատերազմին», «Մենք դեմ ենք Ճապոնիա-Հարավային Կորեա ռազմական համագործակցությանը», գրությամբ պաստառներ։
