ՄԱԿ- Պատժամիջոցները չպետք է խոչընդոտեն Սիրիայի երկրաշարժից տուժածներին օգնության տրամադրմանը
ՄԱԿ-ի գլխավոր քարտուղարի խոսնակը հայտարարել է, որ Պատժամիջոցները չպետք է խոչընդոտեն Սիրիայի երկրաշարժից տուժածներին օգնության տրամադրմանը:
Փետրվարի 6-ին 7,8 մագնիտուդով երկրաշարժ էր տեղի ունեցել Թուրքիայի հարավում և Սիրիայի հյուսիսում: Ըստ վերջին տըվյալների՝ երկրաշարժի ընդհանուր զոհերի թիվը հասել է մոտ 9 հազարի:
ՄԱԿ-ի գլխավոր քարտուղարի խոսնակ Սթիվեն Դյուժարիկը երեքշաբթի օրը հայտարարել է. «Մենք խմբեր ենք ուղարկել Թուրքիա և Սիրիա՝ համակարգման և գնահատման համար»։
Նա հավելել է, որ երկրաշարժի հետևանքով թուրք-սիրիական սահմանի անցակետում տեղաշարժման հետ կապված խնդիրներ են առաջացել:
Դյուժարիկը հավելել է, որ Թուրքիային տրամադրվող օգնության առաջին փաթեթը կկազմի 25 միլիոն դոլար: Դիվանագետը նշել է, որ վնասված ճանապարհների վերանորոգումից հետո օգնություն կուղարկվի նաև Սիրիայի հյուսիսային շրջաններ, և պատժամիջոցները չպետք է խոչընդոտեն երկրաշարժից տուժածներին օգնության տրամադրմանը:
