Բողոքի ակցիա Trump Tower մոտ՝ պաղեստինցի ակտիվիստ ազատության պահանջով
CNN-ը հինգշաբթի օրը հաղորդել է, որ Նյու Յորքի Մանհեթեն քաղաքում գտնվող Trump Tower-ի դիմաց կայացած ցույցի 100 մասնակից ձերբակալվել է։
Հղում անելով «Ֆարս» գործակալությանը, Pars Today-ը հաղորդում է, որ ցույցի մասնակիցները դատապարտել են պաղեստինցի ակտիվիստ Մահմուդ Խալիլի ձերբակալությունը։ Խալիլը ձերբակալվել է ԱՄՆ ներգաղթի և մաքսային ծառայության կողմից՝ Կոլումբիայի համալսարանում պաղեստինամետ ցույցերին մասնակցելու պատճառով:
Ցույցը կազմակերպել է «Հրեաները հանուն խաղաղության» խումբը։ Ցուցարարները պահանջել են ազատ արձակել Մահմուդ Խալիլին։ CNN-ը հայտնել է, որ երբ Նյու Յորքի ոստիկանությունը հարձակվել է ցուցարարների վրա, նրանցից ոմանք նստել են և վանկարկել՝ «Պաղեստինը պետք է ազատվի»։
Մահմուդ Խալիլը Կոլումբիայի համալսարանի նախկին ուսանող է, ով մասնակցել է համալսարանի ուսանողական բողոքի ցույցերին:
Նրա ձերբակալության մասին հայտնել էր Reuters-ը։ Խալիլը ձերբակալվել էր իր տան մոտ։ Փորձագետները նշում են, որ պաղեստինցի ակտիվիստի ձերբակալությունը Թրամփի վարչակազմի՝ պաղեստինամետ ուսանողներին արտաքսելու ծրագրի առաջին քայլն է։
Թրամփը հայտարարել է, որ Խալիլը քարոզում է ՀԱՄԱՍ-ի գաղափարները, և որ նրա ներկայությունն ԱՄՆ-ում «հակասում է երկրի ազգային շահերին և արտաքին քաղաքականությանը»։
Կիրակի օրը Խալիլին Նյու Ջերսիում գտնվող ԱՄՆ ներգաղթյալների կալանավայրից տեղափոխել են մեկ այլ կալանավայր, որը գտնվում է Լուիզիանայում՝ մոտ 2 հազար կմ հեռավորության վրա:
Մահմուդ Խալիլը Միացյալ Նահանգներ է մտել 2022 թվականին ուսանողական վիզայով և անցյալ տարի ստացել է մշտական բնակության թույլտվություն: Մահմուդ Խալիլի կինը՝ Նուր Աբդուլլահը, 28-ամյա ատամնաբույժ է և ԱՄՆ քաղաքացի։ Նա Reuters-ին ասել է, որ չէր սպասում, որ ամուսինը կձերբակալվի։
