Մարդասիրական երթ Բեռլինից Հալեպ
Եվրոպայի ամբողջ տարածքից խաղաղության շուրջ 300 ակտիվիստներ Հալեպի ու Սիրիայի հանդեպ համաշխարհային հովանավորության նպատակով Բեռլինից դեպի Հալեպ երթ են սկսել:
«Քուրդփրես»-ը երեքշաբթի օրը հղում կատարելով «Սպուտնիկ»-ին հաղորդել է, որ երթը մեկնարկել է երկուշաբթի օրը` Բեռլինի նախկին «Թեմփելհոֆ» օդանավակայանից և ուղղվելու է դեպի Հալեպ: Այս օդանավակայանը ներկայումս հարյուրավոր սիրիացի փախստականների ապաստարանն է համարվում:
3000կմ երկարությամբ երթն ընթանում է վերջին տարիներին Միջին Արևելքի ճգնաժամերի պատճառով Եվրոպայում ապաստանած Սիրիայի ու Իրաքի պատերազմի փախստականների ու այլ էմիգրանտների երթի հակառակ ուղղությամբ:
Երթի նպատակն է Սիրիայում խաղաղ բնակչությանը հումանիտար օժանդակություններ փոխանցելու և Սիրիայի ժողովրդին խաղաղ լուծումների հասանելիություն ստեղծելու համար միջազգային հանրության վրա ճնշում գործադել:
