Թրամփն արգելելու է մուսուլմանների մուտքն ԱՄՆ
«Ֆարս» լրատվական գործակալության հաղորդման համաձայն, «Ռոյտերզ»-ը գրել է, որ Թրամփն այսօր ստորագրելու է ներգաղթի սահմանափակման վերաբերյալ հրամանագիրը, որով սահմանափակվելու է մուսուլման մի քանի երկրների, այդ թվում Իրանի քաղաքացիների մուտքն ԱՄՆ:
Համաձայն այս հաղորդման, Թրամփն այսօր այցելելով ԱՄՆ-ի ներքին անվտանգության նախարարություն արձակելու է այդ կապակցությամբ սահմանափակությունների գործադրման հրամանը:
Կոնգրեսի մի քանի օգնականներ, որոնք չեն ցանկացել բացահայտել իրենց ինքնությունը «Ռոյտերզ»-ին հաղորդել են, որ այդ սահմանափակությունը առավելապես տարածվելու է փախստականների և Իրանի, Իրաքի, Լիբիայի, Սումալիի, Սուդանի, Սիրիայի ու Եմենի քաղաքացիների նկատմամբ:
Նաև սպասվում է, որ ԱՄՆ-ի կառավարությունը բոլոր փախստականների ընդունման համար մի քանի ամիս սահմանափակություն կիրառի, որպեսզի այդ ընթացքում պետքարտուղարությունն ու ներքին անվտանգության նախարարությունը դիմողների վիճակի քննության համար առավել վստահելի գործընթաց մշակեն:
Սպիտակ տան խոսնակ Շոն Սփայսերը երեքշաբթի օրը հրաժարվեց այդ կապակցությամբ Թրամփի ծրագրի մասին հարցումին հստակ պատասխան տալուց:
