Միջազգային արձագանքները` ԱՄՆ մուսուլմանների ու փախստականների մուտքի արգելքին
Մուսուլմանների ու գաղթականների մուտքն ԱՄՆ արգելող օրենքը քննադատության է արժանացել տարբեր շրջանակների կողմից:
«ԻՌՆԱ» գործակալության հաղորդման համաձայն, մի շարք միջազգային կառույցներ , կազմակերպություններ ուհայտնի դեմքեր անմարդկային ու ռասիստական քայլ են որակել մուսուլմանների ու փախստականների մուտքն ԱՄՆ արգելելու այդ երկրի նախագահի վերջին որոշումը:
ԱՄՆ քաղաքացիական ազատությունների միությունը և «Ազգային իմիգրացիայի իրավական կենտրոնը» հայց են ներկայացրել ԱՄՆ նախագահ Դոնալդ Թրամփի և ներքին անվտանգության նախարար ՝ Ջոն Քլեյի դեմ:
ԱՄՆ համալսարանի դասախոսները ևս մի համախոսականով հայտարարել են, որ ներգաղթյալների մասին նոր օրենքից տուժելու է այդ երկրկի համալսարանական շրջանակների հեղինակությունը:
«Human Rights Watch» կազմակերպությունը հայտարարել է, որ այն ժամանակաշրջանում, երբ ողջ աշխարհում մեծացել է գաղթականների թիվը և պատերազմական փախստականներն օգնության կարիք ունեն, ԱՄՆ-ն իր ուսերից թոթափում է պատասխանատվությունը:
Իմիգրացիայի միջազգային կազմակերպությունը և փախստականների հարցով ՄԱԿ-ի գերագույն կոմիսարիան քննադատել են Թրամփի հրամանը՝ պահանջելով անկախ փախստականների կրոնից ու ազգությունից , նրանց նկատմամբ հավասար վերաբերմունք ցուցաբերել:
