Ճապոնիայի պաշտպանության նախարար.«Հյուսիսային Կորեայի փորձարկած հրթիռը հավանաբար բալիստիկ է եղել»
Մայիս 14, 2017 18:02 Asia/Tehran
Ճապոնիայի պաշտպանության նախարարը հայտարարել է, որ Հյուսիսային Կորեայի փորձարկած վերջին հրթիռը հավանաբար բալիստիկ է եղել:
Իրանի ռադիո-հեռուստատեսության լրատվական գործակալության հաղորդման համաձայն՝ Թոմոմի Ինադան նշել է, որ, հաշվի առնելով անցած ուղին և թռիչքի տևողությունը, կարելի է ենթադրել, որ Հյուսիսային Կորեայի կողմից փորձարկված վերջին հրթիռը բալիստիկական է եղել:
Նրա խոսքերով՝ այդ հրթիռը երկու հազար կիլոմետր հեռահարությամբ 30 րոպե թռիչք է իրականացրել:
Հյուսիսային Կորեան հայտարարել է, որ Փխենյանի դեմ ԱՄՆ-ի և նրա դաշնակիցների ռազմական տեղաշարժերի ու սպառնալիքների պատճառով շարունակելու է ընդլայնել իր հրթիռային ու միջուկային ծրագիրը:
