Միջազգային ներում կազմակերպությունը քննադատեց ԱՄՆ-ում մարդու իրավունքների վիճակը
Միջազգային ներում կազմակերպությունը քննադատեց ԱՄՆ-ում մարդու իրավունքների համակարգված ոտնահարումը:
Իրանի ռադիո-հեռուստատեսության լրատվական գործակալության հաղորդման համաձայն, Միջազգային ներում կազմակերպությունն ԱՄՆ-ում մարդու իրավունքների մասին հրապարակած զեկույցում հայտարարել է. «ԱՄՆ-ն մարդու իրավունքների համակարգված ոտնահարումների, այդ թվում 11-սեպտեմբերյան դեպքերից հետո CIA-ի ծրագրերի համաձայն կասկածյալներին առևանգելու և կտտանքների ենթարկելու անպատժելիությանը վերջ տալու ուղղությամբ որևէ քայլ չի վերցրել»:
Զեկույցում ասված է. «2016 թվականին CIA-ի ղեկավարած գաղտնի կալանավայրերում կտտանքների վերաբերյալ Սենատի համապատասխան կոմիտեի զեկույցից երկու տարի անց, ԱՄՆ-ն այդ հանցագործությունների հանդեպ դեռևս որևէ արձագանք չի ցուցաբերել»:
«Փախստականների ու միգրանտների հետ կապված մտահոգությունը, ԱՄՆ-ի նահանգային ու ֆեդերալ բանտերում մեկուսացման մեթոդի օգտագործումն ու նաև իրավիճակի վերահսկման համար բռնի ուժի գործադրումը շարունակվում են»,-ասված է զեկույցում:
Միջազգային ներումն անդրադարձել է ԱՄՆ-ի ոստիկանության ուժերի քայլերին, հայտարարելով. «Սևամորթ տղամարդիկ համարվում են ԱՄՆ-ի ոստիկանության ուժերի գլխավոր զոհերը և բողոքի ցույցերի ժամանակ ռազմական մակարդակի հակախռովարարական սարքավորումներից ու սպառազինությունից օգտվելն ու ոստիկանությանը նման զենքերով զինելը, խաղաղ հանրահավաքների կապակցությամբ բողոքարարների իրավունքը հարգվելու շուրջ մտահոգություններ են առաջացնում»:
