Իսպանիայի կառավարությունը կարող է որպես պատիժ ընդհանրապես զրկել Կատալոնիային ինքնավարությունից
Սեպտեմբեր 16, 2017 13:33 Asia/Tehran
Իսպանիայի կառավարությունը կարող է ծայրահեղ քայլերի դիմել և որպես պատիժ ընդհանրապես զրկել Կատալոնիային ինքնավարությունից՝ հայտարարել է երկրի մշակույթի նախարար Ինիգո Մենդես դե Վիգոն, ինչպես հաղորդում են տեղական լրատվամիջոցները:
«Մենք կգործենք բավական խիստ՝ կախված այն բանից, թե ինչպես իրենց կպահեն առաջիկայում անջատման կողմնակիցները»,- հայտարարել է դե Վիգոն մամուլի ասուլիսի ընթացքում:
Հիշեցնենք, որ Կատալոնիայի իշխանությունները պատրաստվում են անկախության հանրաքվեն անցկացնել հոկտեմբերի 1-ին, և եթե բնակչության մեծամասնությունը կողմ քվեարկի, ապա նրանք կառանձնանան պաշտոնական Մադրիդից:
orer.news
