Կատալոնիայի դատարանը «Գուգլ»-ից պահանջել է արգելափակել անկախության հանրաքվեի մասին տեղեկությունների ծրագիրը
Կատալոնիայի գերագույն ատյանը «Գուգլ» ընկերությանը կոչ է արել արգելափակել Իսպանիայի այդ նահանգում անկախության հանրաքվեի մասնակցելու համար օգտագործվող ծրագրերը:
«Ֆարս» լրատվական գործակալության հաղորդման համաձայն, Իսպանիայի Կատալոնիա նահանգի գերագույն ատյանն ուրբաթ օրը «Գուգլ» ընկերությունից պահանջել է արգելափակել այն ծրագիրը, որն այդ նահանգի անկախատենչներն օգտագործում են կիրակի օրվա հանրաքվեի կապակցությամբ տեղեկատվություն տարածելու համար:
Դտարանը հայտարարել է, որ «On Votar 1-Oct» ծրագիրը ոտնահարում է Իսպանիայի սահմանադրական դատարանի սեպտեմբեր ամսին հրապարակած վճիռը, որը պահանջում է մինչև հանրաքվեի օրինականության քննարկումն առկախել Կատալոնիայի անկախության հանրաքվեն:
Կատալոնիայի տարածքային կառավարությունը մտադիր է հոկտեմբերի 1-ին անկախության հանրաքվե կազմակերպել:
Իսպանիայի սահմանադրության համաձայն` այդ երկիրը չի կարող մասնատվել:
Կատալոնիա նահանգի բնակչության 80 տոկոսը 2014 թվականի նոյեմբերին պարտադիր բնույթ չկրող մի հանրաքվեում կողմ քվեարկեցին Իսպանիայից Կատալոնիայի անկախացմանը: