Զարիֆ.«Իրանը, Ռուսաստանը և Թուրքիան վճռակամ են Սիրիայում կայունության և անվտանգության հաստատման հարցում»
ԻԻՀ արգործնախարարն ասել է.«Իրանը, Ռուսաստանը և Թուրքիան վճռակամորեն ցանկանում են Աստանայի բանակցությունների շրջանակում կայունություն և անվտանգություն հաստատել Սիրիայում»:
ԻԻՀ ԱԳ նախարար Մոհամադ Ջավադ Զարիֆը՝ գլխավորելով բարձրաստիճան մի պատվիրակություն երեքշաբթի օրը մեկնել է Թուրքիայի Անթալիա քաղաք՝ Սիրիայի հարցով եռակողմ նիստին մասնակցելու համար:
Կիրակի օրը Մոհամադ Ջավադ Զարիֆն ասել է. «Վերջին 11 ամիսների ընթացքում Աստանայում կայացած բանակցությունները օգնել են կայունության հաստատմանը Սիրիայում»:
ԻԻՀ ԱԳ նախարարն ասել է. «Տարածաշրջանային համագործակցության արդյունքում Սիրիայում պակասել են մարդկային կորուստները , իսկ Սիրիայի կառավարությունը և դիմադրության ճակատը շարունակում են պայքարը ահաբեկչական խմբերի դեմ»:
Զարիֆը հավելել է. «Իրանի, Ռուսաստանի և Թուրքիայի նախագահները որոշել են նոյեմբերի 22-ին Սիրիայի հարցը քննարկելու նպատակով Սոչիում հանդիպել»:
Կիրակի օրը Սիրիայի ճգնաժամի քննարկման նպատակով Թուրքիայի Անթալիա քաղաքում կայացել է Իրանի, Ռուսաստանի և Թուրքիայի արտաքին գործերի նախարարների նիստը: