Քեմալ Ղլիչդարօղլուն ցանկանում է վերահաստատել Սիրիայի հետ հարաբերությունները
Թուրքիայի ընդդիմադիր ամենամեծ կուսակցության ղեկավարը նախագահից պահանջել է հանուն Սիրիայի տարածքային ամբողջականության պահպանման և այդ երկրում արյունահեղությունը կանխելու նպատակով, անհապաղ կապ հաստատել Դամասկոսի հետ:
«Անատոլու» գործակալության հաղորդմամբ՝ Քեմալ Ղլիչդարօղլուն շաբաթ օրն Անկարայում կուսակցության կոնգրեսում ունեցած ելույթում, Թուրքիայի նախագահից պահանջել է անհապաղ կապ հաստատել Սիրիայի կառավարության հետ:
Նա Էրդողանից պահանջել է անհապաղ վերականգնել Անկարա-Դամասկոս հարաբերությունները:
Թուրքիայի ընդդիմադիր կուսակցության առաջնորդն այն դեպքում է նման պահանջ ներկայացնում, երբ չնայած Էրդողանի ղեկավարությամբ իշխող «Արդարություն և զարգացում» կուսակցության հետ ունեցած լուրջ տարաձայնություններին, նա պաշտպանել էր Սիրիայի հյուսիսային շրջանում քուրդ աշխարհազորայինների դեմ Թուրքիայի ռազմական գործողությունները:
