Իսրայելին սարսափեցրել է աշխարհի տարբեր երկրներում Ղոդսի համաշխարհային օրվա երթի կազմակերպումը
Ղոդսի համաշխարհային օրվա սեմին Իսրայելի ռեժիմի վարչապետը հայտարարել է, որ Լոնդոնում ու աշխարհի կարևոր քաղաքներում Ղոդսի համաշխարհային օրվա երթի կազմակերպումը սխալ քայլ է:
Բենիամին Նեթանյահուն այս մասին ասել է հինգշաբթի օրը՝ Լոնդոնի «Փալիսի Էքսչենջ» հետազոտական կենտրոնում:
Միևնույն ժամանակ, Սիոնիստական ռեժիմի պաշտպան խմբերն ու լոբբիներն այդ ռեժիմի վարչապետի գլխավորությամբ աշխատանքի են անցել, որպեսզի կասեցնեն տարբեր երկրներում Ղոդսի օրվա երթի կազմակերպումը:
Գերմանիայոմ սիոնիստական լոբբիներից համարվող «Սիմոն Վեզինթալ» կենտրոնը հայտարարել է, որ Ղոդսի օրվա հանդիսությունը «հակասիոնիստական» բնույթ է կրում: Կենտրոնը փորձում է կանխել դրա կազմակերպումը:
Դոդսի համաշխարհային օրը Բեռլինում նշվելու է շաբաթ օրը և ինչպես հաղորդել է «Շպիգել»-ը, մասնակցության համար մինչ այժմ գրանցվել է ավելի քան 2000 մարդ:
Բեռլինի քաղաքապետի գրասենյակի խոսնակը «Ջեռուզալեմ Փոստ»-ի հետ զրույցում ասել է, որ կառույցը քննում է հակաիսրայելական երթերի, այդ թվում՝ Ղոդսի օրվա երթի արգելման իրավական կողմերը, սակայն այդ կապակցությամբ դեռ եզրակացության չի հանգել:
Միևնույն ժամանակ ԱՄՆ-ում ու Կանադայում գրասենյակներ ունեցող և Սիոնիստական ռեժիմին պաշտպանող «Հրեական պաշտպանության միություն» ծայրահեղական խումբը Տորոնտոյում, Նյու Յորքում ու Լոս Անջելեսում Ղոդսի համաշխարհային օրվա երթին ընդդիմանալու կոչ է հրապարակել և սիոնիստների պաշտպաններին կոչ է արել Ղոդսի օրվա երթը խանգարելու համար փողոց դուրս գալ:
