Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Ղեսաս սուրահի 26-րդ այա

قَالَتْ إِحْدَاهُمَا یَا أَبَتِ اسْتَأْجِرْهُ ۖ إِنَّ خَیْرَ مَنِ اسْتَأْجَرْتَ الْقَوِیُّ الْأَمِینُ

Այդ ժամանակ (ծերունու աղջիկներից) մեկն ասաց. «Հա՛յր, նրան վարձիր, նա հավատարիմ ու ուժեղ մարդ է: Նրանից ավելի լավ ծառա չես կարող գտնել»:

Նախորդ հաղորդման ժամանակ խոսեցինք այն մասին, որ Մովսեսը Շոայբի աղջիկներին օգնեց ջուր տալ իրենց ոչխարներին, ինչից հետո Շոայբը  նրան  հրավիրեց իր տուն: Այս այան  ասում է, որ աղջիկներից մեկը, որը Մովսեսին հրավիրել էր իրենց տուն, հորն ասաց, որ Մովսեսը որպես հովիվ աշխատի իրենց տանը, քանի  որ նա բավականին ուժեղ էր ու հավատարիմ:  

Այան ասում է. «Աղջիկը, որին հայրը հանձնարարել էր Մովսեսին ուղեկցել իր տուն, իր հորն առաջարկեց վերջինիս որպես հովիվ ընդունել, որպեսզի աղջիկներն իրենք ամեն օր ստիպված չլինեն ոչխարներին տանել անապատ»:

Իսկ որպեսզի հայրն ընդունի իր առաջարկը, աղջիկը նշեց Մովսեսի ուժն ու հավատարմությունը: Այդ հատկանիշներն ի հայտ եկան այն ժամանակ, երբ Շոայբի տուն գնալու ճանապարհին Մովսեսն ասաց, որ ինքը կքայլի աղջկանից առաջ, որպեսզի հանկարծ իր աչքերը չնայեն աղջկան:

Այս այայից սովորում ենք.

1. Զավակները ,լինեն տղաներ, թե աղջիկներ, իրավունք ունեն խելամտորեն և տրամաբանորեն  ընտանիքի մեծերին առաջարկել այն, ինչ ճիշտ են համարում,  և այս առումով աղջկա և տղայի միջև տարբերություն չկա:

2.Մարդկանց աշխատանքի ընդունելու համար  պետք է ընտրել լավագույններին:

2. Մարդիկ կյանքում առանձնանում են իրենց կարողություններով ու առանձնահատկություններով: Այս երկու չափորոշիչները կարևոր են որևէ մեկին պատասխանատվություն տալու ժամանակ:

Ղեսաս սուրահի 27 և 28-րդ այաներ                  

قَالَ إِنِّی أُرِیدُ أَنْ أُنْکِحَکَ إِحْدَى ابْنَتَیَّ هَاتَیْنِ عَلَىٰ أَنْ تَأْجُرَنِی ثَمَانِیَ حِجَجٍ ۖ فَإِنْ أَتْمَمْتَ عَشْرًا فَمِنْ عِنْدِکَ ۖ وَمَا أُرِیدُ أَنْ أَشُقَّ عَلَیْکَ ۚ سَتَجِدُنِی إِنْ شَاءَ اللَّهُ مِنَ الصَّالِحِینَ

قَالَ ذَٰلِکَ بَیْنِی وَبَیْنَکَ ۖ أَیَّمَا الْأَجَلَیْنِ قَضَیْتُ فَلَا عُدْوَانَ عَلَیَّ ۖ وَاللَّهُ عَلَىٰ مَا نَقُولُ وَکِیلٌ

(Այդ ժամանակ ծերունին Մովսեսին) ասաց. «Իմ աղջիկներից մեկին քեզ կնության կտամ` պայմանով, որ ութ տարի ծառայես ինձ: Եթե կամենաս, կարող ես դա ավելացնել մինչև տասը տարի: Առաջ Աստված, ինձնից միայն արդարություն ու մարդասիրություն կտեսնես»:

(Մովսեսն) ասաց. «(Համաձայն եմ), թող այս (պայմանը) մեր մեջ հաստատվի, իհարկե, այս երկու պայմանից որ մեկն էլ կատարեմ, բռնության չպիտի ենթարկվեմ: Աստված թող վկա լինի իմ հանձնառությանը»:

Շոայբն ընդունեց իր աղջկա առաջարկը, սակայն քանի որ երկու աղջիկներն էլ ապրում էին տանը, Մովսեսը չէր կարող մնալ նրա տանը: Ուստի Շոայբը Մովսեսին առաջարկեց աղջիկներից մեկի հետ ամուսնանալ, սակայն պայմանով, որ ամուսնությունից հետո, 8 տարի մնա այդ տանն ու կատարի հովվի աշխատանքը: Շոայբն արեց մի առաջարկություն, որը հարմար էր երկու կողմին: Մի կողմից Մովսեսի ու նրա ապագա կնոջ կեցության հարցն էր լուծվում, մյուս կողմից, նրանք օգնում էին Շոայբին: Այդ առաջարկությունը բխում էր նաև Շոայբի դուստրերի շահերից, քանի որ նրանց ծանր աշխատանքն այսուհետ կատարելու էր Մովսեսը: Մովսեսն ընդունեց առաջարկն ու ասաց, որ կմնա Շոայբի տանը:

Պետք է նշել, որ Շոայբի տանն ութը տարի հովվություն անելը աղջկա ցանկությունն էր,քանի որ երբ աղջիկը հոր ծերության պատճառով պարտավոր է ամեն օր ոչխարի հոտը տանել արածացնելու, ցանկանում էր, որպեսզի իր ամուսինը ստանձնի այդ պատասխանատվությունը և ինքն ազատվի այդ ծանր աշխատանքից:

Եվ Մովսեսին այդ առաջարկը ներկայացնելիս, Շոայբն ասում է.«Մենք չենք ցանկանում, որ դու դժվարությունների միջով անցնես և պատարստ ենք լսել նաև քո կարծիքը»:  

Մովսեսն ըդնունում է  Շոայբի տանը հովվություն անելու առաջարկը և ասում է. «Ես ութը տարի կմնամ այս տանը կկատարեմ պահանջը: Եթե ցանկանամ ևս երկու տարի մնալ ձեզ հետ,   այդ ընթացքում նույնպես հովվություն կանեմ, որպեսզի ապահովեմ իմ և ձեր կյանքը»:

Այս այայից սովորում ենք.

1.Եթե ​​երիտասարդը  ազնիվ է ու վստահելի, ապա ոչ մի խոչընդոտ չկա աղջկա հոր կամ հարազատների կողմից նրան ամուսնության առաջարկ անելը։

1.Ամուսնացող աղջկա մահրի չափը որոշելու համար, պետք է հաշվի առնել փեսայի պայմաններն ու ճնշում չգործադրել նրա վրա: