Հանուն գթած և ողորմած Աստծո:Ողջույն հղելով բարության մարգարե Մոհամմադի անմար հիշատակին եւ բարեւելով Ձեզ հարգելի ռադիոլսող բարեկամներ, ներկայացնում ենք «Ելք դեպի լույս» հաղորդումը, Ղուրանի մատչելի մեկնաբանությամբ:

Ղեսաս սուրահի 70-րդ այա

وَهُوَ اللَّهُ لَا إِلَٰهَ إِلَّا هُوَ ۖ لَهُ الْحَمْدُ فِی الْأُولَىٰ وَالْآخِرَةِ ۖ وَلَهُ الْحُکْمُ وَإِلَیْهِ تُرْجَعُونَ

Նա միակ Աստված է, Իրենից զատ այլ աստված չկա: Թե՛ այս, թե՛ այն աշխարհում փառավորված է Նա: Գերագույն դատավորն է Նա: Ամեն ոք կանգնելու է Նրա դատաստանի առջև:

Այս այայում ասվում է, որ ոչ մի կուռք մարդկանց չի կարող բարիքներ ուղարկել և միայն Աստված է մարդկանց արժանացնում նյութական ու բարոյական բարիքների: Ուստի պետք է պաշտել միայն Նրան: Նա է և՛ այս աշխարհի և՛ հանդերձյալ կյանքի տերը: Աշխարհում տիրում է միայն նրա հրամանը և մի օր բոլորը դեպի Նա են վերադառնում:

Այս այայից սովորում ենք.

1. Պետք է պաշտել միայն այն Աստծուն, որի ձեռքերում են աշխարհի սկիզբն ու վերջը:

2.  Աստված արարիչ է և բոլոր արարածների տերը:

Ղեսաս սուրահի 71- 73-րդ այաներ

قُلْ أَرَأَیْتُمْ إِنْ جَعَلَ اللَّهُ عَلَیْکُمُ اللَّیْلَ سَرْمَدًا إِلَىٰ یَوْمِ الْقِیَامَةِ مَنْ إِلَٰهٌ غَیْرُ اللَّهِ یَأْتِیکُمْ بِضِیَاءٍ ۖ أَفَلَا تَسْمَعُونَ

قُلْ أَرَأَیْتُمْ إِنْ جَعَلَ اللَّهُ عَلَیْکُمُ النَّهَارَ سَرْمَدًا إِلَىٰ یَوْمِ الْقِیَامَةِ مَنْ إِلَٰهٌ غَیْرُ اللَّهِ یَأْتِیکُمْ بِلَیْلٍ تَسْکُنُونَ فِیهِ ۖ أَفَلَا تُبْصِرُونَ

وَمِنْ رَحْمَتِهِ جَعَلَ لَکُمُ اللَّیْلَ وَالنَّهَارَ لِتَسْکُنُوا فِیهِ وَلِتَبْتَغُوا مِنْ فَضْلِهِ وَلَعَلَّکُمْ تَشْکُرُونَ

Ասա նրանց. «Ի՞նչ եք կարծում, եթե Աստված ցանկանար տարածել ձեզ վրա հավիտենական գիշերը մինչև Հարության օրը, Իրենից զատ ո՞վ կարող է լույս տալ ձեզ: Մի՞թե խոսք չեք լսում»:

Ասա նրանց. «Ի՞նչ եք կարծում, եթե Աստված ցերեկվա լույսը տեսնել տար մինչև Հարության օրը, Իրենից բացի ո՞վ է կարող գիշերը ձեզ տալ հանգստի համար: Մի՞թե չեք բացելու ձեր աչքերը»:

Աստված իր ողորմածությամբ ձեզ համար հաստատեց գիշերն ու ցերեկը, առաջինը՝ հանգստի համար, երկրորդը` աշխատելու, որպեսզի երախտագիտություն հայտնեք Իրեն:

Այս այաները խոսում են Աստծու բացարձակ իշխանության մասին, նշելով, որ եթե Աստված թույլ չտա, որ մոլորակը պտտվի, և կյանքում որևէ շարժում չլինի, ոչ մի մոլորակ չի կարող Աստծու կամքին հակառակ բան անել: Արդյոք նկատե՞լ եք, թե գիշերվա ու ցերեկվա ստեղծումն ինչպիսի մեծ բարիք է կենդանիների ու մարդկանց համար: Եթե արեգակի ջերմությունը և լույսը չհասնեին մոլորակ, անշուշտ կյանք չէր լինի: Եվ հակառակը՝ եթե միշտ լիներ լույս ու արևի ջերմություն, որոշ էակներ չէին դիմանա ու կոչնչանային: Երկրի պտույտն արևի շուրջը գիշերվա ու ցերեկվա և ջերմաստիճանի իջնելու ու բարձրանալու պատճառ է դառնում: Եվ չնայած լույսը շատ կարևոր է կենդանիների համար, գիշերը նույնպես կարևոր է, որպեսզի  նրանք հանգստանան:

Այս այաներից սովորում ենք.

1. Շատ կարևոր է, որ մարդիկ արարչագործության վերաբերյալ գրքեր կարդան, որպեսզի ավելի լավ պատկերացում կազմեն արարչագործության մասին ու ավելի լավ ճանաչեն միաստվածությունը և ավելի լավ ճանաչեն Աստծուն: Անշուշտ մոլորակի պտույտը և գիշերն ու  ցերեկն Աստծու ուժի նշաններից են:

2. Գիշերը հանգստանալու համար է, իսկ ցերեկն աշխատանքի:

3. Որևէ մեկին ճիշտ ճանապարհ ցույց տալու համար, պետք է տանք այնպիսի հարցեր, որ մարդու միտքը զարթնի:

4. Մարդը պետք է ճանաչի բարիքները: Դա պատճառ կդառնա, որ նա երախտապարտ լինի և պաշտի Աստծուն: Սա հատկապես կարևոր է նոր սերնդին փոխանցելը:

Ղեսաս սուրահի 74 և 75-րդ այաներ

وَیَوْمَ یُنَادِیهِمْ فَیَقُولُ أَیْنَ شُرَکَائِیَ الَّذِینَ کُنْتُمْ تَزْعُمُونَ

وَنَزَعْنَا مِنْ کُلِّ أُمَّةٍ شَهِیدًا فَقُلْنَا هَاتُوا بُرْهَانَکُمْ فَعَلِمُوا أَنَّ الْحَقَّ لِلَّهِ وَضَلَّ عَنْهُمْ مَا کَانُوا یَفْتَرُونَ

Մի օր (կռապաշտներին) պիտի կանգնեցնի (Իր դատաստանի առջև) ու հարցնի. «Ո՞ւր են այն աստվածները, որ իմ զորությանը հավասար էիք դասում»:

Յուրաքանչյուր ազգից վկա բերել կտանք ու կասենք. «Ներկայացրեք ձեր փաստերը»: Ու նրանք պիտի տեսնեն, որ ճշմարտությունը միայն Աստծու հետ է, և իրենց հնարած ստերը պիտի ոչնչանան:

Ղուրանն այստեղ նորից տալիս է նույն հարցը, ասելով. նրանք, որ Աստծու փոխարեն պաշտում էին այնպիսի էակների, որոնք իրենց կարծիքով տնօրինում են իրենց ճակատագիրը, դատաստանի օրը հարցաքննվելու են մարգարեների ներկայությամբ: Նրանք պետք է տրամաբանական պատասխան տան այն հարցին, թե ինչու պաշտեցին կուռքերին, չնայած իրենց համար ուղարկվել էր մարգարեն: Հենց այստեղ նրանք հասկանալու են, որ կուռքերի նկատմամբ իրենց հավատքը փուչ է և միակ ճշմարտությունն Աստված է ու Նրա մարգարեները:

Այս այաներից սովորում ենք.

1. Դատաստանի օրվա մասին նախազգուշացումը նրա համար է, որպեսզի մարդիկ մշտապես ուշադիր լինեն իրենց հավատքին ու ամրանդեն այն, որպեսզի չմոլորվեն:

2. Մարգարեները դատաստանի օրվա վկաներն են:

3. Կռապաշտությունը չունի ամուր հիմք:

4. Հանդերձյալ կյանքում բոլոր վարագույրները բացվում են ու ճշմարտությունն ի հայտ է գալիս: