ՀԳՀԾ-ի դեմ Թրամփի հայտարարությունները նոր մարտահրավեր են նետել Եվրոպա-ԱՄՆ հարաբերություններին
ԱՄՆ նախագահ Դոնալդ Թրամփն հոկտեմբերի 13-ին ունեցած իր ելույթում հայտարարեց, որ չի հաստատում Համատեղ գործողությունների համապարփակ ծրագրի (ՀԳՀԾ) հանդեպ ԻԻՀ-ի հավատարմությունը:
ԵՄ-ն ու աշխարհի շատ այլ երկրներ Թրամփի ելույթից հետո հայտարարեցին, որ անցյալի նման լիովին պաշտպանելու են ՀԳՀԾ-ը:
Դոնալդ Թրամփը կրկնելով Իրանի ժողովրդի և ՀԳՀԾ-ի դեմ իր անհիմն մեղադրանքները, հայտարարեց որ Իսլամական հեղափոխության պահակազորի անունը ներառել է նոր շրջափակումների ցուցակում:
Դոնալդ Թրամփը բազմիցս հայտարարել է, որ Իրանի հետ «միջուկային գործարքը» լավ պայմանագիր չէ, և չի կարող կանխել Իրանի միջուկային սպառազինության ձգտումները:
Ի հարկե Թրամփի հակաիրանական և ՀԳՀԾ-ի դեմ դիրքորոշումները մտահոգության տեղիք են տվել նրա խորհրդականների և արևմտյան դաշնակիցների մոտ:
Եվրոպական երեք երկրների ղեկավարները անմիջապես արձագանքեցին Իրանի և ՀԳՀԾ-ի դեմ ԱՄՆ-ի նախագահի ելույթին:
Իրանի դեմ ԱՄՆ-ի նախագահի ելույթից հետո, Բրիտանիայի վարչապետ Թերեզա Մեյը, Գերմանիայի կանցլեր Անգելա Մերկելը և Ֆրանսիայի նախագահ Էմանունել Մակրոնն համատեղ հաղորդագրությամբ հանդես գալով վերահաստատեցին իրենց հավատարմությունը ՀԳՀԾ-ի հանդեպ :
«ՀԳՀԾ-ն բազմակողմ համաձայնություն է, որն ամրագրվել է ԱԽ-ի թիվ 2231 բանաձևով և երաշխավորում է, որ Իրանի միջուկային ծրագիրը միայն խաղաղ նպատակների է ծառայելու»,-նշված է Եվրոպական երեք երկրների ղեկավարների համատեղ հաղորդագրությունում:
Ֆրանսիայի, Բրիտանիայի և Գերմանիայի ղեկավարները նաև զգուշացրել են ԱՄՆ-ի կառավարությանը ՀԳՀԾ-ի դեմ ուղղված ցանկացած քայլի, այդ թվում Իրանի դեմ շրջափակումների վերականգնման հետևանքների մասին:
Եվրոպական երեք երկրների ղեկավարները համատեղ հաղորդագրությամբ վերահաստատել են ՀԳՀԾ-ի հանդեպ իրենց հավատարմությունը և կարևորել են բոլոր կողմերի միջոցով դրա լիարժեք գործադրումը: Նրանք նշել են, որ այդ համաձայնությունը համապատասխանում է նրանց ազգային շահերին:
ԵՄ արտաքին քաղաքականության պատասխանատու Ֆեդերիկա Մոգերինին նույնպես արձագանքելով ՀԳՀԾ-ի կապակցությամբ Թրամփի ելույթին, ընդգծել է. «ՀԳՀԾ-ն երկկողմ համաձայնություն չէ և որևէ երկրի չի պատկանում ու որևէ երկիր չի կարող դրան վերջ տալ»:
ՀԳՀԾ-ի հովանավորության կապակցությամբ Ֆրանսիայի, Բրիտանիայի և Գերմանիայի ղեկավարների նաև ԵՄ արտաքին քաղաքականության պատասխանատու Ֆեդերիկա Մոգերինիի կտրուկ դիրքորոշումը, կրկին ցույց տվեց Եվրամիության և ԱՄՆ-ի միջև գոյություն ունեցող անհամաձայնությունները:
Դոնալդ Թրամփի ելույթն ու ԻԻՀ-ի և ՀԳՀԾ-ի դեմ նրա կրկնված հայտարարություններն արժանացել են Ռուսաստանի և Չինաստանի քննադատությանը:
Եվրոպայի հարցերով քաղաքական փորձագետ Ադնան Թաբաթաբայիի խոսքերով Թրամփն իր ելույթով ավելի խորացրեց ԱՄՆ-ի և Եվրամության միջև գոյություն ունեցող ճեղքվածքը:
Ոչ միայն Եվրամիության անդամ երկրները այլև Միջուկային սպառազինության հարցերով փորձագետները ՀԳՀԾ-ի կապակցությամբ դեմ են Դոնալդ Թրամփի դիրքորոշումներին:
2017 թ.-ի սեպտեմբերին աշխարհի տարբեր երկրներից շուրջ 80 փորձագետներ մի նամակ հղելով ԱՄՆ-ի նախագահ Դոնալդ Թրամփին կոչ են արել ՀԳՀԾ-ի կապակցությամբ վերանայել իր որոշումը: Միջուկային սպառազինության հարցով արևմտյան փորձագետները Թրամփին զգուշացրել են հակաիրանական դիրքորոշումների հետևանքների մասին:
ԱՄՆ-ի նախագահ Դոնալդ Թրամփի դիրքորոշումներն ու քայլերը անհանգստացրել են Եվրոպական երկրներին:
Փարիզի համաձայնությունից ԱՄՆ-ի հրաժարումը, ԱՄՆ-Եվրամիություն ազատ առևտրի պայմանագրի ստորագրման դեմ դիրքորոշվելը և ՆԱՏՕ-ի անդամ եվրոպական պետությունների ռազմական բյուջեն ավելացնելու ուղղությամբ պնդումներն այն քայլերն են որ ճեղքվածք են առաջացրել ԱՄՆ-Եվրամիություն հարաբերություններում:
Եվրոպական երկրների տեսակետից Միջուկային համաձայնությունը 13 տարի տևած բանակցությունների դիվանագիտության արդյունքն է, որը երաշխավորում է, որ Իրանի միջուկային ծրագիրը միայն խաղաղ նպատակների է ծառայելու: Սակայն Թրամփի կարծիքով ՀԳՀԾ-ը ոչ միայն պետք է ավելի խստացնի Իրանի միջուկային օբյեկտների վրա վերահսկողության մեխանիզմները այլև պետք է սահմանափակի Իրանի հրթիռային ծրագրերն ու տարածաշրջանային քայլերը:
Եվրոպական պետությունների կարծիքով ՀԳՀԾ-ից ԱՄՆ-ի միակողմանի դուրս գալը ծանր հետևանքներ կարող է ունենալ այդ երկրի համար:
Ի դեպ եվրոպական երկրների ղեկավարները հայտարարել են որ հաշվի առնելով միջուկային գործարքին Իրանի հավատարմությունը հաստատող ՄԱԳԱՏԷ-ի 8 զեկույցները, պետք է պահպանել ՀԳՀԾ-ը:
Քաղաքական հարցերի փորձագետ Համիդռեզա Ղոլամզադեն ասել է.-«Թրամփը փորձում է առանց ռիսկի և խնդիրները Իրանի վրա բարդելով դուրս գալ ՀԳՀԾ-ից և մյուս կողմից նվազեցնել Իրանի հասանելիությունը միջուկային համաձայնության արդյունքներին»:
Եվրոպական երկրների բարձրաստիճան ղեկավարների տեսակետից եթե ԱՄՆ-ը փորձի չեղարկել ՀԳՀԾ-ը, այդ քայլը կարող է ծանր հետևանքներ ունենալ աշխարհի համար:
ՀԳՀԾ-ի գործադրմամբ փարատվում է Եվրամիության մտահոգությունն Իրանի միջուկային ռազմական ծրագրի առնչությամբ և նրանք պատրաստ են ընդլայնել տնտեսական և առևտրական համագործակցություններն Իրանի հետ:
Եվրոպայի հարցերով քաղաքական փորձագետ Ռոյա Մոնթազամին ասել է.-«Տնտեսական ոլորտում Եվրոպան իր հարաբերություններն ընդլայնել է Իրանի հետ և տնտեսական շահերից ելնելով չի պատրաստվում դուրս գալ ՀԳՀԾ-ից»:
ԱՄՆ նախագահ Դոնալդ Թրամփն հոկտեմբերի 13-ին ունեցած իր ելույթից հետո թվիթերյան իր էջում գրել է.«Եվրոպացիներն իրենց տնտեսական շահերի նպատակով ցանկանում են ԱՄՆ-ը շարունակի հավատարիմ մնալ ՀԳՀԾ-ին»:
Եվրամիության որոշ պաշտոնատարներ մտահոգություն են հայտնել Իրանի բալիստիկ հրթիռների կարողության և տարածաշրջանում լարվածության սրման կապակցությամբ, սակայն նրանք պնդում են, որ այդ հարցերը պետք է հետևել ՀԳՀԾ-ի շրջանակից դուրս: Մյուս կողմից Եվրամիության համար կարևոր է իր տնտեսական և առևտրական հարաբերություններն ընդլայնել աշխարհի տարբեր տարածաշրջաններում: Սակայն ԱՄՆ-ի նախագահ Դոնալդ Թրամփը հայտարարել է, որ ցանկանում է հեռու մնալ համաշխարհային առևտրական պայմանագրերից:
Եվրոպական երկրների համար քաղաքական և տնտեսական ոլորտներում Իրանը կարևոր դերակատարություն ունի և այդ իսկ պատճառով փորձում են միջուկային համաձայնությունից հետո շարունակել իրենց հարաբերություններն ԻԻՀ հետ:
ԻԻՀ և ՀԳՀԾ-ի դեմ Դոնալդ Թրամփի հավանական քայլերը կարող են հսկայական ճեղքվածք առաջացնել Վաշինգտնի և նրա արևմտյան դաշնակիցնեի միջև:
Հոկտեմբերի 12-ին Ֆեդերիկա Մոգերինին ասել է.«ՀԳՀԾ-ից դուրս գալով հարցականի տակ է դրվելու ԱՄՆ-ի միջազգային հեղինակությունը»:
Գերմանիայի արտաքին գործերի նախարար Զիգմար Գաբրիելն այն կարծիքին Է, որ Իրանի հետ միջուկային գործարքից ԱՄՆ-ի հնարավոր հրաժարումը Եվրոպային կվանի Վաշինգտոնից և նրան կմոտեցնի Ռուսաստանին ու Չինաստանին:
Եվրամիության բարձրաստիճան պաշտոնատարները և Գերմանիան ցանկանում են պահպանել միջազգային այս համաձայնությունը և ընդգծել են,որ միջուկային համաձայնագրից ԱՄՆ-ի հրաժարման դեպքում այդ երկիրը կմեկուսանա աշխարհում:
Գերմանիայի արտգործնախարար Զիգմար Գաբրիելը և Եվրամիության արտաքին քաղաքականության հանձնակատար Ֆեդերկա Մոգերինին ընդգծել են Իրանի հավատարմությունը ՀԳՀԾ-ի հանդեպ:
Գերմանիայի արտգործնախարարը և Եվրամիության արտաքին քաղաքականության հանձնակատարն ընդգծել են, որ քանի դեռ Իրանը հավատարիմ է ՀԳՀԾ-ին, Եվրոպան ևս հավատարիմ կմնա իր հանձնառություններին: