کابل کښې بم چاودنې دولس کسان وژلي دي
اوا خبري اژانس وايي کابل کښې بم چاودنې بیا دولس کسان وژلي .
ترهګرو نن یوځل بیا د افغانستان د پلازمینې کابل د شکردره ولسوالۍ په قلعه مراد سیمه کښې د لمونځ ګزارو پرضد ماین چاودنه وکړه چې له کبله یې تراوسه دولس (۱۲)کسان وژل شوي او پینځلس (۱۵)نور ژوبل شوي هم دي .
د کابل د پولیسو ویاند فردوس فرامرز وویل د دغه چاودنې له کبله تراوسه د حاجي بخشي جومات د امام مفتي نعمان په ګډون دولس (۱۲)کسان وژل شوي او څه د پاسه پینځلس (۱۵) نور ژوبل شوي هم دي .
مفتي نعمان د داعش او وهابیت ضد شخصیت ګڼل کیده کوم چې په ځلونو د داعش ترهګرې ډلې او د وهابیت پرضد ویناګانې کړي وې .
ویره شته چې د کابل د نن ورځې د وژل شویو کسانو شمیر نور هم زیات شي .
روانه اونۍ په کابل کښې دا دوهمه خونړۍ حمله ګڼل کیږي .
په تیرې شنبې ورځ هم د کابل په دشت برچي کښې په سید الشهدا ښوونځي باندې ترهګرې حملې کښې یوسل دیارلس(۱۱۳)انجلۍ وژل شوي او څه د پاسه یوسل پنځوس(۱۵۰) نورې ژوبلې شوي دي .
