په افغانستان کښې ۱۲۷۲ نور کسان په کورونا اخته شول
Jul 03, 2021 16:23 Asia/Kabul
د افغانستان د روغتیا وزارت خبر ورکوي چې په تېرو ۲۴ساعتونو کې د کورونا ویروس ۱۲۷۲ نورې مثبتې پېښې ثبت شوې چې په دې سره په ټول هېواد کې په کویډ ۱۹ ناروغۍ د اخته کسانو شمېر ۱۲۴ زره او ۷۵۷ تنو ته ورسېد.
د دغه وزارت د ویاند مرستیال میرویس علی زي وويل، په یاده موده کې له دې وبا څخه ۹۲ نور کسان مړه شوي او ۹۳۵ تنه بیا ترې روغ شوي، چې په دې سره د مړو شمېر ۵۱۹۹ او د رغېدلو کسانو شمېر ۷۳ زره او ۶۳۵ تنو ته ورسېد.
روغتیایي چارواکې وایي، کویډ ۱۹ ناروغي لاهم جدي ګواښ ده او هېوادوال باید روغتیایي لارښوونو ته پام وکړي.
ټیګونه
