میلیونونه افغانستانیان خوراکي مرستو ته اړتیا لري
د افغانستان څه باندې ۱۸ میلیونه خلک انساندوستانه خوراکي مرستو ته اړمن دي
د افغانستان څه باندې ۱۸ میلیونه خلک انساندوستانه خوراکي مرستو ته اړمن دي
ایرنا خبري آژانس لیکلي چې د افغانستان د ماليې وزارت سرپرست محمد خالد پاینده په یو ټویټ کښې ولیکل، د تاوتریخوالي شدت، د کرونا وایرس پراختیا او اوچکالي سبب شوې چې ابتدايي موادو ته د دې هیواد د میلیونونو خلکو لاسرسي محدوده شي.
هغه ټینګار وکړ چې هم داشان د افغانستان ۱۸ میلیونه او ۴ لکه کسان د خوراکي مرستو ترلاسه کولو ته اړمن دي.
هغه له نړیوالو موسسو وغوښتل چې په افغانستان کښې د میلیونونو اړمنو کسانو لپاره ضروري ابتدايي مواد برابر کړي.
د افغانستان د حکومت د وروستیو احصائیو له مخې، په تیرو دوو کلونو کښې کابو شپږ میلیونه افغانان د جنګ او ناامنۍ په وجه له خپل کور کلي او وطن څخه بې ځایه او کډه په سر شوي دي او فوري مرستو ته ضرورت لري.
