غزنی ولایت کې یوه بله ولسوالۍ هم د طالبانو لاس ته ورغله
زمونږ خبریال وايي د افغانستان په غزنی ولایت کې تیره شپه یوه بله ولسوالۍ هم دطالبانو لاس ته ورغلي ده .
وسله والو طالبانو رسنیوته ویلي چې په یادې ولسوالۍ کې یې افغان ځواکونو ته مرګ ژوبله اوړلې او ولسوالۍ یې په کنترول کې ده .
په دې اړه دغزني ولایت سیمه ایز چارواکي څه نه وایي خو د یاد ولایت ولایتي شورا مرستیال امان الله کامراني تهران راډیو سره په مرکه کې د یادې ولسوالۍ سقوط او افغان ځواکونوته دمرګ ژوبلې اوښتو خبره تاییدوي خو کره شمېره یې د معلوماتو نشتون له کبله نه کړه څرګنده.
نوموړی زیاتوي چې له جاغوري ولسوالۍ نه مرستندویه افغان ځواکونه د مالستان د ژغورلو په خاطر لیږل شوي ول خو طالبان په پرمختللي وسلو او امکاناتو سمبال ول .
د غزني مالستان ولسوالۍ د دې ولایت په لویدځه څنډه کښې پرته ده چې له جاغوري، اجرستان او ناور ولسوالیو سره نښلیدلي پولې لري .
ویل کیږي اوس مهال یوازې د غزني دوې(۲) ولسوالۍ (ناور او جاغوري) دافغان ځواکونو په لاس کې دي او پاته (۱۶) نورې ولسوالۍ د طالبانو په کنترول کې دي .
