په پکتیکا کې د بهرنیوطالبانو په ګډون۲۸طالبانو ته مرګ ژوبله اوښتې

د افغانستان په مختلفو سیمو کې د افغان ځواکونو او طالبانو ترمینځ په اخ وډب کې داسې کومه ورځ نشته چې دلسګونو کسانو وینه ونه بهیږي او یو شمیر سیمې لاس په لاس نشي .

زمونږ خبریال له غزني راپور راکړ ، دافغانستان د پکتیکا ولایت سیمه ایز چارواکي په دې ولایت کې د  ۲۸ وسله والو طالبانو د مرګ ژوبلې  خبر ورکوي.

ددغه  ولایت ویاند غازي دانش وایي چې بیګا دپکتیکا ولایت په  سروضي  ولسوالۍ کې د ملي امنیت  ۹۰۴  ځانګړې قطعې له لوري یو لړ عملیات وشول چې په پایله کې د بهرنیو طالبانو په ګډون  ۲۸  تنو ته مرګ ژوبله واوښته چې په وینا یې  ۱۷  تنه  ووژل شول او (۱۱) تنه یې ټپیان شول . نوموړی وایي چې دطالبانو یو شمیر وسلې او مهمات هم له منځه تللي او د ټرانسپورټي وسایلو په شمول ګڼ شمیر لویې او وړې وسلې د افغانځواکونو لاس ته ورغلې دي.

 نور معلومات زمونږ دخبریال له خولې آورو