طالبانو پنجشیر بشپړ کلابند کړ
احمد مسعود هم په کرتو ټينګار کړی دی ، د طالبانو له سرزوریو او حملو سره به مقابله وکړي او ورته به تسلیم نشي او خپل مقاومت ته به دوام ورکړي .
زمونږخبریال له کابله راپور راکړ له طالبانو سره د پنجشیر درې د مقاومت د جبهې قوماندان احمد مسعود ترمینځ د خبرواترو له بې نتیجې کیدا وروسته ددغې ډلې ځواکونو دغه دره په بشپړ ډول کلابند کړه .
دپنجشیر درې د نیولو لپاره د طالبانو او احمد مسعود د پلویانو ترمینځ نښتې د خبر تر مخابیره کیدا پورې روانې دي ، په کابل کې د طالبانو له دیره کیدا وروسته ددغې ډلې غړو په کرتو پنجشیر درې حملې کړي دي ،چې وئيل کیږي ، له ماتې سره مخ شوي دي .
احمد مسعود هم په کرتو ټينګار کړی دی ، د طالبانو له سرزوریو او حملو سره به مقابله وکړي او ورته به تسلیم نشي او خپل مقاومت ته به دوام ورکړي .پنجشیر هغه یوازینی ولایت دی چې د طالبانو په کنټرول کې نه دی او پر دغه ولایت د دغې ډلې ولکه ډيره سخته او مشکله بریښي او احمد مسعود دا سیمه د امن سیمې په توګه ګڼي .
