په جوزجان کې پرواده چاودنې مرګ ژوبله اړولي ده
د سرچينې په حواله په دغه چاودنه کې د واده ناوې وژل شوې او ۴ ګډونوال ټپيان شوي دي.
په جوزجان ولايت کې د پرون مازيګر د هغې چاودنې نور جزیات رسنيز شوي، چې پکې د یوه واده ناوې وژل شوې او يو شمېر نور کسان ټپيان شوي دي.
د واده يوه ګډونوال ويلي، چې دغه چاودنه د ناوې په کوچ کې د ځای پر ځای شوي مقناطيسي ماين د چاودنې له کبله رامنځته شوې ده.
د سرچينې په حواله په دغه چاودنه کې د واده ناوې وژل شوې او ۴ ګډونوال ټپيان شوي دي.
د واده دا مراسم د آقچې ولسوالۍ د ودونو په بوه تالار کې ترسره کیدل.
د يوې بلې سرچينې د معلوماتو په اساس، ياد شوی ماین د موبايل په وسيله کنټرولېده.
د دغې چاودنې مسوولیت کومې ډلې په غاړه نه دی اخیستی.
مخکې طالبانو په اقچې ښار کې د ودونو تالارونه ترلي او ودونو ته اجازه پکې نه ورکوله.
دغو تالارونو له یوې اونۍ راهيسې د ودونو د ترسره کولو اجازه بیا موندلې وه.
ويل کيږي، چې د جليل په نوم دغه هوټل کې دا لومړی ځل دی، چې د طالبانو له واکمنیدو سره د واده مراسم پلان او په داسې ډول نیمګړې پاتې شول
معلومه نه ده، چې دا پېښه شخصي که نور عوامل تر شا لري؟
د واده د اړوندو کورنيو د هويت په اړه معلومات نه دي رسنيز شوي.
په جوزجان کې د طالبانو چارواکو هم په دې اړه څه نه دي ويلي.
