افغانستان کښې د بمونو شنډول لس کاله وخت غواړي

افغانستان کښې د ملګرو ملتو سیاسي دفتر (یوناما) ویلي چې په دغه هیواد کښې د پاتې شویو بمونو شنډول لږترلږه لس کاله وخت اخلي.

یوناما پرون د یوې خبرپاڼې په خپرولو سره وویل چې په افغانستان کښې له جنګه د پاتې بمونو او مهماتو د شنډولو د پروګرام د دوام لپاره سږ کال او راتلونکې کال ۱۵۰ میلیون ډالرو ته ضرورت دی.

په دغه رپورټ کښې هم داشان راغلي چې ۵۰ میلیون ډالر د روان کال لپاره او ۱۰۰ میلیون ډالر په راتلونکي کال کښې د ماینونو د شنډولو د پروګرام د دوام لپاره اټکل شوي دي.

د ویلو ده چې په افغانستان باندې د شوروي د تیري او همداشان د امریکې د حملې راهیسې تراوسه زرګونه کړۍ ښخ کړی شوي ماینونه لا هم نه دي شنډ کړی شوي او د خلکو ژوند ګواښي.