د افغانستان طالبانو جان بولټن جنګ غواړي کس وباله
ایرنا خبري اژانس وايي د افغانستان د طالبانو د موقته حکومت د ویاند مرستیال بلال کریمي د امریکا د ملي امنیت پخوانی سلاکار جان بولټن یو(۱) جنګ غواړی سړی وباله .
د افغانستان د طالبانو په رسمیت د نه پيژندلو او د دغه ډلې پرضد د امریکا د ملي امنیت د پخواني سلاکار جان بولټن له وینا وروسته د طالبانو د موقته حکومت د ویاند مرستیال بلال کریمي وویل همدغه جنګ غواړي کسان وو چې د امریکا په حکومت کښې یې څوکۍ ترلاسه کړې او په افغانستان کښې یې د واشنګټن جنګ شل (۲۰) کاله اوږد کړ .
د امریکا د ملي امنیت پخواني سلاکار جان بولټن څو ورځې مخکې په یوې (۱) مرکې کښې طالبان په رسمیت د پیژندلو جوګه ونه بلل او ویې ویل چې طالبان هیڅکله په افغانستان کښې د ټول ګډونه حکومت د جوړولو هڅه نه کوي .
د امریکا په شمول لویدیځو هیوادونو په بیلابیلو پلمو سره د افغانستان شتمنۍ او پانګې کنګل کړي دي او دغه هیواد یې له ډیرو مشکلاتو سره مخ کړی دی .
