افغانستان کښې د روغتیا د برخې کارکونکو ته معاشونو ورکول کیږي
Dec 22, 2021 01:56 Asia/Kabul
د سره صلیب نړیواله کمېټه وايي چې په افغانستان کې د ۱۰ زره روغتیایي کارمندانو معاشونه ورکوي
د دې ادارې پر فېسبوک پاڼه د سه شنبې په ورځ لیکل شوي چې د دوی له خوا په ټول افغانستان کې د ۲۳ سیمه ایزو روغتونونو د ۱۰زره کارمندانو معاشونو ورکړه پیل شوه.
د دې کمېټې د مسئولینو په خبره، یاده کمېټه به د شپږو میاشتو لپاره په افغانستان کې د روغتیایي مرکزونو ورځني لګښتونه او د دغو مرکزونو طبي وسایل تمویلوي.
د یادولو وړ ده چې اوسمهال په افغانستان کې د روغتیایي امکاناتو نشتوالی هم هغه ستونزه ده چې افغان حکومت ورسره مخ دی.
له دې وړاندې هم ډېرو هېوادونو له افغانستان سره د روغتیایي توکو مرسته کړې ده.
ټیګونه
