طالبان کم عمره کسان له خپلو لیکو باسي

د طالبانو د حکومت د امر بالمعروف وزارت له دوی غوښتي، چې له خپلو لیکو څخه کم عمره کسان تصفيه کړي.

د طالبانو د دغه وزارت د منکراتو د ادارې رييس مولوي راز محمد دا غوښتنه د طالبانو د «دارالامان» لېوا له یوه کنډک څخه د لیدنې پر وخت کړې ده.

 نوموړي دا هم ويلي، چې د دوی وزارت به له دې پلوه د طالبانو د ليکو د تصفيې په برخه کې ګامونه واخلي.

د طالبانو په لیکو کې د کم عمره کسانو موجوديت له پخوا څخه د يوې ستونزې په توګه يادېده.