په افغانستان کښې په رسانه اي تخلفاتو د غور د کمېشن تشکيل
د طالبانو د موقته حکومت وياند په افغانستان کښې په رسانه اي تخلفاتو د غور کولو د کمېشن بيا تشکيلېدو خبر ورکړ.
د افغان آوا د رپوټ له مخې د طالبانو د موقته حکومت وياند ذبيح ا... مجاهد په يوې غونډه کښې چې د خبريالانو د تحفظ د کمېټۍ په نوښت سره جوړه شوه وويل: رسنې د ملت غږ د چارواکو غوږو ته رسوي نو په همدې وجه طالبان له رسنيو ملاتړ کوي.
مجاهد وويل، موننږ د رسنيو د مخکيني قانونو په لوستلو سره په نوي نظرونو سره د رسنيو په تخلفاتو باندې د غور کولو د کمېشن بيا جوړولو په لټه کښې يوو او باوري يوو چې پکار دے په خپلو مطالبو کښې ملي ګټې، اسلامي ارزښتونه او ملي وحدت په نظر کښې ونيسي.
د ذبيح ا... مجاهد دغه څرګندونې په داسې حال کښې مطرح کيږيچې دوه ورځې مخکې په کابل کښې د آريا نيوز دوه خبريالان د طالبانو د استخباراتي ادارې لخوا ونيول شول. د دغو کسانو نيول کېدل له يو لړ اعتراضونو سره مخامخ شول. يوناما او د عفوې نړيوالې ادارې هم په افغانستان کښې د رسنيو د خاوندانو د آزادۍ غوښتنه وکړه.
