بغلان کې د سکرو کان د لوېدو له امله کسان وژل شوي

بغلان کې د ډبرو سکرو کان د ړنګېدو له امله لس کسان وژل شوي دي.

د راپورونو له مخې دغه پېښه د بغلان په نهرین ولسوالۍ کې شوې ده. سرچینې وايي چې تېره ورځ سهار مهال د نهرین ولسوالۍ اړوند چنارک د سکرو کان رالوېدلی چې په پېښه کې لس کسه کارګر وژل شوي دي.

بلخوا د بغلان ځايي چارواکي هم پېشه تاییدوي خو د مرګ ژوبلې د کره شمېرې په اړه څه نه وايي.

د افغانستان په ډېرو سیمو کې کانونه په غیر معیاري او دودیزه توګه کېندل کیږي چې وخت ناوخت د ورته خونړیو پېښو لامل ګرځي.