بدخشان ولایت کښې چاودنه شوې ده

د افغانستان د بدخشان ولایت په مرکز فیض آباد ښار کښې د څلورمې امنیتي حوزې په قومندان باندې حملې شوې ده

په بدخشان ولایت کښې ځايي سرچینو آوا خبري آژانس ته ویلي چې تیر ماښام د دغه ولایت د مرکز فیض آباد د څلورمې امنیتي حوزې د قومندان قاري ابوبکر په لاره کښې یو بم وچاودیده خو په دغې پيښې کښې څوک مړه شوي نه دي.

د طالبانو د اطلاعاتو او کلتور د ادارې مشر معز الدین احمدي هم وویل چې بیګا ماښام د فیض آباد په نوي ښار کښې یو بم وچاودیده خو د سر او مال تاوان یې نه درلود.

په افغانستان باندې د طالبانو له واکمنیدو د کابو شپږو میاشتو له تیریدو سره سره د دغه هیواد په مختلفو سیمو کښې لاهم امنیتي پیښې رامینځته کیږي.