په افغانستان تیري کونکي هیوادونه باید درس واخلي
زمونږ خبریال وايي طالبانو له افغانستانه د تیریګرو پوځیانو د وتلو د کلیزې په مناسبت په تیریګرو غږ وکړ چې په دغه هیواد کښې د پوځي لاسوهنې له تاریخ څخه درس واخلي .
د افغانستان د طالبانو موقته حکومت نن له خپل هیواده د شوروي د سره پوځ د عسکرو د ایستلو د کلیزې په مناسبت په یوې خبرپاڼه کښې ټینګار وکړ د افغانستان خلک په تیرو سلو کلونو کښې درې ځله ازمویل شوي دي او هغوې د خپل هیواد ازادۍ او خپلواکۍ بیرته ترلاسه کړي ده او د هغې ساتنه کوي .
دغه خبرپاڼه وايي افغانستان همدا اوس د دریم ځل لپاره له نیواک څخه ازاد شوی او معنا یې دا ده چې په افغانانو کښې د ازادۍ غوښتنې احساس همغه راز قدرتمن دی او هغوې د خپل هیواد او د دین د دفاع لپاره قوي اراده لري .
طالبانو وویل هیله من یوو چې تیریګرو هیوادونو د وورستې پیړۍ له یرغلونو زیات درسونه ترلاسه کړي وي او د افغانستان له ملت او هیواد سره له دښمنۍ لاس واخلي .
په براون پوهنتون کښې د واټسن د عمومي او د نړیوالو چارو موسسې په افغانستان کښې د امریکا د جنګ لګښت د ۲۰۰۱ میلادي کال له مني څخه د تیر میلادي کال تر اګست میاشتې پورې دوه اعشاریه شپږویشت ټریلیونه ټاکلی دی .
