طالبانو د افغانستان پخوانيو حکومتي کارکونکو ته د کار بلنه ورکړه

د طالبانو حکومت د افغانستان د تیر حکومت کارکونکي بیا کار کولو ته بللي دي

د طالبانو د ویاندوي مرستیال انعام الله سمنګاني یوځل بیا د افغانستان په تیر حکومت پورې اړونده کسان په هیواد باندې د دغې ډلې د واکمن لنډمهاله حکومت سره کار کولو ته راوبلل.

سمنګاني په یو ټویټ کښې ولیکل: کوم کسان چې مخالف نظرونه او باورونه لري او په نظام باندې هم نیوکه کوي خو په افغانستان کښې او د خپلو خلکو ترمینځ پاتې شوي دي، هغه زمونږ لپاره محترم دي.

دا په داسې حال کښې دي چې د طالبانو د کورنیو چارو د وزارت ویاند سعید خوستي هم له دې مخکې د پوځي او غیر پوځي په شمول د تیر حکومت کارکونکو ته، خپل کار ته د راستنیدو د بلن لیکونو د ورلیږلو خبر ورکړی و.