د افغانستان د پوځ د صفونو د تصفیې کمیسیون کار پیل کړ
تسنیم خبري اژانس وايي د افغانستان د پوځ د صفونو د تصفیې کمیسیون خپل کار پیل کړی دی .
د افغانستان د پوځ د صفونو د تصفیې کمیسیون په داسې حال کښې کار پیل کړی دی چې د طالبانو د صفونو د تصفیې کمیسیون څه موده مخکې خپل کار پاې ته رسولی دی .
د طالبانو د حکومت د صفونو د تصفیې کمیسیون مشر لطیف الله حکیمي وویل د دغه بهیر له پیلیدا راهسې تراوسه څلورزره او درې سوه (۴۳۰۰) کسانو د طالبانو له صفونو څخه ایستل شوي او دغه بهیر بشپړه شوی دی .
پرون د طالبانو د موقته حکومت د دفاع وزارت د سرپرست محمد یعقوب مجاهد په حکم د لطیف الله حکیمي په مشرۍ د پوځ د صفونو د تصفیې کمیسیون جوړ شوی او په رسمي ډول یې خپل کار پیل کړ .
د طالبانو د صفونو د تصفیې د کمیسیون مشر لطیف الله حکیمي تیر کال د قندهار ، د هلمند د زابل او د ارزګان ولایتونو له امنیتي او دفاعي چارواکو سره په غونډه کښې ویلي وو د طالبانو د صفونو تصفیه کول د افغانستان د نظام د بقا لپاره لومړی اساسي شرط دی .
هغه وویل هغه کسان چې د طالبانو له نوم څخه یې ناوړه استفاده کوله په بیلابیلو ولایتونو کښې پیژندل شوي ، نیول شوي او یا څنګ ته کړې شوي دي .
