ملا برادر وايي د حکومت دفاع په خلکو فرض ده
د طالبانو د رييس الوزرا اقتصادي مرستيال دغه راز د طالبانو ځواکونو سره د دغه ولايت د خلکو د نږدې همکارۍ غوښتنه کړې او پر متقابل درناوي يې ټينګار کړی دی.
د افغان طالبانو د واکمنۍ خلاف د وسله والو او سياسي مخالفتونو له زياتيدو سره، د دوی د رييس الوزرا اقتصادي مرستيال ملا عبدالغني برادر کندهار ولايت ته تللی.
نوموړي په دې سفر کې د پولیسو له روزنیز مرکز څخه ليدنه کړې او خپلو جنګياليو ته يې وينا کړې ده.
ملا عبدالغني برادر د خپلو خبرو په ترڅ کې ویلي: د نظام ساتنه هغسې فرض ده، لکه د کفارو خلاف چې جهاد فرض و.
د طالبانو د رييس الوزرا اقتصادي مرستيال دغه راز د طالبانو ځواکونو سره د دغه ولايت د خلکو د نږدې همکارۍ غوښتنه کړې او پر متقابل درناوي يې ټينګار کړی دی.
ملا برادر دا څرګندونې په داسې حال کې کړي، چې د کندهار په ګډون د افغانستان له مختلفو ولايتونو څخه د طالبانو خلاف د ځينو وسله والو هڅو د پيل راپورونه ورکړل شوي.
