بندیزونه د طالبانو او نړیوالې ټولنې ترمینځ واټن نوره هم زیاتوي
د طالبانو حکومت په کرتو ټينګار کړ دی د یوه روا حکومت درست شرطونه ئې برابر کړي دی. که څه د ملګروملتو امنیت شورا د طالب چارواکو د سفر د معافیّت دتمدیدولو یا ردولوپه باب دوه ځله غونډه ترسره کړې،خو ددغې شورا د غړو ترمینځ د نظرونو داختلافاتو په دلیل دواړه ناستې بې نتیجې پاي ته رسیدلي دي.
د افغانستان دطالبانو پر حکومت دنړیوالو د نیوکو له زیاتیدا سره سره د طالبانو د ویندوي مرستیال وائي،په نوی افغان حکومت د نړیوالو دبندیزونو دوام به د نړیوالې ټولنې او طالبانو د حکومت ترمینځ واټن نوره هم زیات کړي.
په افغانستان کې د طالبانو د بیرته واکوالۍ ترلاسه کولو یو کال تیریدا سره سره نړیوالې ټولنې دغه ډله دښاریزو په تیره د میرمنو حقوقو او د ټولشموله حکومت جوړولو ته د بې پامۍ په دلیل تر دې دمه په رسمیّت نه ده پيژندلې .
صدای افغان خبری آژانس راپور ورکړ، د طالبانو دویندوي مرستیال بلال کریمي بیګا پر نړیوالې ټولنې غږ کړیدی څو د طالبانو د حکومت په ضد دې د بندیزونو د ختمولو لپاره ګام پورته کړي. دهغه په اند، ددغو بندیزونو په دوام سره د افغانستان او نړیوالې ټولنې ترمینځ واټن به لازیات شي.
څه دپاسه یوه میاشت کیږي،چې دطالبانو د لوړپوړو چارواکو د سفر معافیّت نیټه پاي ته رسیدلې ده،خو دغه چارواکي له افغانستانه بهر سفر نشي کولی . نړیوالې ټولنې تل دطالبانو پر حکومت دبندیزونو د ختمولو موضوع ،د ټولشموله حکومت له جوړیدا، د بشری حقوقو په تیره بیا د میرمنو او انجونو د حقوقو له تامینولو او د افغانستان له خاورې د ترهه ګرو ګواښونو له ختمولو سره مشروطه کړې او ټينګار ئې کړی دی،ددغو شرطونو تر نه پوره کیدا پورې به د افغانستان نوی حکومت په رسمیّت ونه پیژني.
د طالبانو حکومت په کرتو ټينګار کړ دی د یوه روا حکومت درست شرطونه ئې برابر کړي دی. که څه د ملګروملتو امنیت شورا د طالب چارواکو د سفر د معافیّت دتمدیدولو یا ردولوپه باب دوه ځله غونډه ترسره کړې،خو ددغې شورا د غړو ترمینځ د نظرونو داختلافاتو په دلیل دواړه ناستې بې نتیجې پاي ته رسیدلي دي.
