متقي په کابل کښې د قطر له سفیر سره وکتل
افغانستان کښې د طالبانو د موقته حکومت د خارجه وزارت سرپرست په کابل کښې د قطر د سفیر په کتنه کښې د طرفینو ملګرتاوې نه هیریدونکې وبللې
ایرنا خبري آژانس لیکلي چې د طالبانو د حکومت د خارجه وزارت ویاند عبدالقهار بلخي وویل: د طالبانو د بهرنیو چارو د وزارت سرپرست امیر خان متقي په کابل کښې د قطر له سفیر سعید بن مبارک الخیارین سره ملاقات کړی دی.
کابل کښې د قطر سفیر په دغه ملاقات کښې وویل چې هیواد یې په افغانستان کښې د یوې خیریه موسسې د دفتر د پرانستلو نیت لري او غواړي چې د طالبانو له حکومت سره اړیکې پراخې کړي.
په دغې کتنې کښې امیر خان متقي هم د طالبانو له حکومت سره د قطر د ملګرتیاؤ قدرونه وکړه.
قطر د طالبانو هغه ملاتړی هیواد دی چې د طالبانو او امریکې ترمینځ د دوحې د موافقې په لاسلیکیدو کښې یې د مینځګړي رول درلود. طالبانو له کلونو راهیسې د قطر په پلازمینې دوحه کښې مرکزي دفتر لري.
