چین: نړيوالو سره له ګډ دريځ پرته د افغانستان ستونزه نه حلیږي
د چین ځانګړي استازي زياته کړې، چې له داسې دريځ رامنځته کیدو پرته د افغانستان د بشري او ټولنيز ناورين حلیدل ممکن نه دي.
د افغانستان لپاره د چین د ولسمشر ځانګړي استازي یو شیائویونگ له خپل ازبکستاني سيال عصمت ا...ايرګاشف سره د ليدنې پر مهال د افغانستان پر وضعیت خبرې کړي دي.
د ازبکستان رسنيو د چینایي استازي په حواله لیکلي، چې نوموړي د افغانستان په اړه نړيوالو سره پر ګډ او روښانه دريځ رامنځته کیدو ټینګار کړی.
د چین ځانګړي استازي زياته کړې، چې له داسې دريځ رامنځته کیدو پرته د افغانستان د بشري او ټولنيز ناورين حلیدل ممکن نه دي.
د راپور له مخې، چينايي او ازبکستاني استازو په دې برخه کې د ګډو همکاريو ژمنه هم سره کړې ده.
دواړو لوريو په افغانستان کې د زيربنايي پروژو، په ځانګړي ډول د انرژۍ، ټرانسپورټ او لوژیستیک برخو کې د پروژو په ارزښت هم خبرې سره کړي.
چين او ازبکستان دواړه د طالبانو له نږدې سیمه ییزو ملاتړو هېوادونو څخه دي.
دا او نور سیمه ییز هېوادونه له طالبانو سره ښې اړيکې لري او په مختلفو برخو کې همکارۍ ورسره لري.
