د افغانستان په دایکندي ولایت کښې نښته شوې
د طالبانو د کابینې ویاند په دایکندي ولایت کښې په تازه رامینځته شویو نښتو کښې د لسو کسانو وژله تایید کړه
له کابله زمونږ خبریال رپورټ راکړی چې ذبیح ا.. مجاهد پرون د افغانستان په دایکندي ولایت کښې د وروستۍ نښتې په غبرګون کښې وویل چې په دغې نښتې کښې د یو طالب ځواک او نهو وسله والو شورشیانو په شمول لس کسان وژل شوي او د دوو طالبانو او څلورو وسله والو په شمول شپږ کسان زخمي شوي دي.
مجاهد په دې خبرې سره چې په دغې نښتې کښې د وسله والو مخالفانو یوه ډله وځپلې شوه، زیاته کړه: نښته هغه مهال پیل شوه چې یوشمیر وسله وال د دایکندي ولایت په (سیوک) نومي کلي کښې دیره شوي وو او طالبانو د سیمې دوه کسان ورواستول چې له هغوي د وسلو د غورځولو غوښتنه وکړي او طالبانو ته تسلیم شي.
مجاهد زیاته کړه: د طالبانو له هلوځلو سره سره، وسله والو کسانو د خپلو وسلو د ورسپارلو نه ډډه وکړه او بیا طالبان مجبور شول چې برید پرې وکړي او نښته پیل شوه.
په عین حال کښې د طالبانو د کورنیو چارو د وزارت ویاند عبدالنافع ټکور هم په دې اړه ویلي چې د دې نښتې په وژل شویو کښې هیڅ ماشوم نشته خو له بلې خوا د ملګرو ملتو له ماشومانو د ملاتړ بسپنه مدعه شوې چې په دې نښته کښې څلور ماشومان مړه شوي دي.
