افغانستان د ټولو قومونو ګډ کور دی
اوا خبري اژانس وايي د طالبانو د حکومت د مشر سیاسي مرستیال مولوي عبدالکبیر افغانستان له ټولو قومونو سره اړونده وباله.
هغه پرون د طالبانو د حکومت د ښارونو د جوړولو د وزارت له مرستیال شیخ مدار علي کریمي بامیاني سره په کتنه کښې وویل افغانستان د ټولو افغان قومونو ګډ کور دی او حکومت له توپیر پرته د ټولو په خدمت کښې دی.
عبدالکبیر ژمنه وکړه د افغانستان د خلکو مشکلات تعیبیږي او حل کیږي.
شیخ مدار علي کریمي بامیاني هم په دغه کتنه کښې د ښارونو د جوړولو د وزارت د چارو او د پروژو په هکله د یوه راپور په وړاندې کولو سره وویل د ټولو قومونو لپاره د طالبانو د حکومت غیږه خلاصه ده او حکومت د افغانستان د شیعه مسلمانانو ملاتړ کوي.
بل خبر دا چې د هندوستان لخوا شل زره ډالۍ شوي غنم د ایران له لارې افغانستان ته استول کیږي.
د هندوستان رسنیو پرون وویل د افغانستان له اړمنو خلکو سره د مرستې لپاره دغه شل زره ټنه غنم به د خواړو د نړیوال پروګرام په مرستې سره د ایران د چابهار بندر له لارې افغانستان ته واستول شي او هغه به ضرورتمندو خلکو ته ورکړل شي.
