د افغانستان طالبانو د امریکا د ورځپاڼې راپور رد کړ
صدای افغان خبري اژانس راپور ورکړی د طالبانو ویاند په افغانستان کښې د داعش ډلې د فعالیدا په اړه د امریکا د ورځپاڼې ادعا مردوده وبلله.
د امریکا واشنګټن پوسټ ورځپاڼې وړمه ورځ په یوه راپور کښې د دفاع وزارت پینټاګان د ادعا وړ سندونو پراساس ادعا وکړه افغانستان د داعش ترهګرې دلې د عملیاتو په مرکز بدل شوی دی.
دغه ورځپاڼې ادعا کړي ده داعش ډله هڅه کوي د افغانستان له خاورې د اروپا او د اسیا په ټولو سیمو حملې وکړي او د امریکا پرضد دسیسې اجرا کړي.
دغه راپور چې د نړۍ په ډیرو رسنیو کښې چاپ شوی دی د طالبانو د ویاند ذبیح الله مجاهد غبرګون ځان پسې لرلی دی.
د طالبانو ویاند ذبیح الله مجاهد بیګا د امریکا د واشنګټن پوسټ ورځپاڼې راپور جعلي او مغرضانه وباله.
ذبیح الله مجاهد وویل د دغه راپور خپریدا وښودله چې د امریکا ټولنې اوس هم له افغانستان سره له دښمنۍ لاس نه اخلي.
د طالبانو ویاند ذبیح الله مجاهد د دغه ډلې د نورو چارواکو ادعاګانې تکرار کړې او ویې ویل حاضردمه د طالبانو موقته حکومت په ټول هیواد کنټرول لري او هیڅ چا ته اجازه نه ورکوي چې د افغانستان له خاورې د نورو هیوادونو پرضد استفاده وکړي.
واک ته د طالبانو له رسیدا وروسته په افغانستان کښې د ټولو ترهګرو حملو ذمه واریانې داعش ډلې پرغاړه اخیستي دي خو د طالبانو ویاند ذبیح الله مجاهد وايي داعش ډله ځپل شوي ده او د نابودۍ په حال کښې ده.
