د افغانستان میرمنې له ټولنې حذف شوي دي
تسنیم خبري اژانس راپور راکړی د بخښنې نړیوالې موسسې یوځل بیا په افغانستان کښې د ښځو په حالت باندې د اندیښنې په څرګندولو سره ټینګار وکړ د دغه هیواد ښځې له ټولنې حذف شوي دي.
د بخښنې نړیوالې موسسې ایمنیسټي اینټرنیشنل پرون په یوه ټویټر پیغام کښې یوځل بیا وویل د افغانستان میرمنې له ټولنې حذف شوي دي او طالبان باید په دې هکله ځواب ورکړي.
دغه موسسې وویل په افغانستان کښې ښځې د جینست په دلیل تل ځورول کیږي ،اذیت او شکنجه کیږي او د هغوې غږ غلی کړی شوی دی.
خو د افغانستان د طالبانو حکومت تیره اونۍ د ښځو پرضد د توپیر د ختمیدا نړیوال کنونشن ته په یوه لیک کښې د افغانستان د ښځو د حقوقو د خلاف ورزۍ په هکله لګیدلي تورونه رد کړي وو.
واک ته د طالبانو له بیا رسیدا وروسته دغه ډلې له شپږم ټولګې څخه بره د انجلیو په زده کړې بندیز لګولی او ښځې او میرمنې یې هم په ادارو کښې له کارونو منع کړي دي.
