د افغانستان په ځینو ولایتونو کښې د سیلاب خبرداری ورکړی شو
د افغانستان د اوبو او انرژۍ وزارت د روانې مياشتې له ۱۳ څخه ۱۵نېټې پورې د هېواد د سیندیزو حوزو په ځینو ځایونو کې د اوبو کچې د لوړوالي او د سېلابونو د راوتلو اټکل کړی دی.
د افغانستان د اوبو او انرژۍ وزارت د روانې مياشتې له ۱۳ څخه ۱۵نېټې پورې د هېواد د سیندیزو حوزو په ځینو ځایونو کې د اوبو کچې د لوړوالي او د سېلابونو د راوتلو اټکل کړی دی.
د تاند خبري سایټ په لیکنه، دغه وزارت د یوې خبر پاڼې په خپرولو سره ویلي، چې ددغه ناڅاپي اورښتونو او سیلابونو راوتلو ډېر اټکل د (کابل، پنج آمو او هلمند) په سنديزو حوزو کې شوی دی.
په خبرپاڼه کې راغلي، چې د سېلابونو او اوبو د کچې لوړوالی په ځانګړې توګه د پنجشېر، غوربند،کونړ، میدان، لوګر، لغمان، خوست، پکتیا ، پکتیکا، بغلان او غزنی سيندونو پر لاره او ذکر شویو ځاینو په ځینې سېلبرونو کې شتون لري.
سرچینې د نوموړو سیندونو پر غاړو له مېشتو خلکو غوښتي، چې د ځان او کورنیو د ساتنې لپاره وار د مخه تدابیر ولري.
افغانستان په وروستیو کلونو کې د سختو سېلابونو او نورو طبیعي پېښو شاهد دی او له امله یې درانه تلفات ورکړي.
