افغانستان کرکټ ملي لوبډله بنګلادېش ته ماته ورکړه

په بنګله‌دېش کې د افغانستان او بنګلادېش کرکټ ملي لوبډلو ترمنځ د پنځوس اوره لوبلړۍ لومړۍ لوبه د افغان لوبډلې په بریا پای ته ورسېده.

بنګلا‌دېش لوبډلې افغان لوبډلې ته د ۱۷۰ منډو هدف ټاکلی و، چې افغان لوبډلې په ۲۲م اور کې ۸۳ منډې وکړې او لوبه د باران له کبله وځنډېده.

د کرکټ د 'ډي ایل ایس' اصولو له مخې افغان لوبډلې دغه لوبه د ۱۷ منډو په توپیر وګټله.

د افغانستان او بنګلا‌دېش ترمنځ به دویمه یو ورځنۍ سیالي راروانه شنبه او درېیمه راروانه سې شنبه وشي.