د افغانستان له خاورې نورو ته ګواښ نه کیږي
سنیم خبري اژانس راپور راکړی د افغانستان د طالبانو د حکومت دفاع وزیر «ملا محمد یعقوب مجاهد» د خپل هیواد له خاورې څخه په نا ګواښونو باندې ټینګار سره وویل که چیرې څوک د جنګ په نیت له افغانستانه بهر لاړ شي نو کار یې جهاد نه دی.
د پاکستان چارواکو په تیرو څو میاشتو کښې په ځلونو د افغانستان د طالبانو ډلې حکومت د تحریک طالبان په نوم د ترهګرې ډلې عناصرو ته په پناه ورکولو تورن کړی دی داسې ادعا چې د افغانستان طالبانو هغه رد کړي ده.
د افغانستان د طالبانو د حکومت دفاع وزیر ملا محمد یعقوب مجاهد له ترهګرو ډلو د طالبانو د حکومت د ملاتړ په ردولو سره وویل د طالبانو عناصر له سرحد ورهاخوا حملو کښې ګډون نلري.
هغه وویل د طالبانو غړي باید داسې کار ونکړي چې د دغه ډلې د حکومت بریاو ته تاوان ورسوي.
د طالبانو د دفاع وزیر دغه څرګندونې په داسې حال کښې دي چې پاکستان په ځلونو د افغانستان ښاریز د پاکستان په ناامنیو کښې په لاس لرلو تورن کړي دي.
د پاکستان ایکسپریس ټریبیون» ورځپاڼې د یوه حکومتي چارواکي په قول وویل د تحریک طالبان پاکستان ډلې پرضد د افغانستان د طالبانو اقدام د کابل په اوسنیو چارواکو باندې د هیوادونو د بل ډاډ لپاره یو امتحان ګڼل کیږي.
له بلې خوا د افغانستان د طالبانو ویاند ذبیح الله مجاهد ټینګار کړی و چې د پاکستان حکومت باید په خپله د تحریک طالبان پاکستان ډلې مشکل حل کړي او دغه چاره له افغانستان سره هیڅ ارتباط نلري.
راپورونه وايي چې د تحریک طالبان پاکستان ډله د افغانستان په کونړ ولایت چې د پاکستان له باجوړ سیمې سره په ګاونډ کښې ده د ترهګرو فعالیتونو روزنه کوي او دغه ډله د افغانستان په نورو سیمو کښې هم پناه ځایونه او د روزنې مرکزونه لري.
