ایران د پاکستان زیارتوالو ته خدمات وړاندې کوي
زمونږ خبریال راپور راکړی د ایران د سیستان و بلوچستان ولایت د میرجاوه ولسوالۍ د روغتیا او د درملنې د ادارې مدیر« مصطفی احمدي مقدم » د پاکستان د حسیني اربعین زیارتوالو ته د خدماتو د وړاندې کولو خبر ورکړ.
هغه وویل د روان ۱۴۰۲ هجري لمریز کال د اربعین د زیارتوالو د سفر له پیل راهسې تراوسه څلورو زرو کسانو ته د درملنې مفت خدمات وړاندې شوي دي.
د ایران د سیستان و بلوچستان ولایت د میرجاوه ولسوالۍ د روغتیا او د درملنې د ادارې مدیر مصطفی احمدي مقدم زیاته کړه د روان کال په حسیني اربعین کښې یوسل شپیته کسان په دریو شیفټونو کښې په میرجاوه سرحدي ټرمینل کښې زیارتوالو ته د درملنې او د روغتیا خدمات وړاندې کوي.
هغه وویل د میرجاوه په سرحدي ټرمینل کښې د روغتیا او د درملنې په سټال کښې د درملنې او د روغتیا د خدماتو په وړاندې کولو سربیره د فارسۍ او د اردو ژبو د ورزده کولو کار هم روان دی او دغه خدمات تر اربعین پورې دوام لري.
