د افغانستان بانک رئيس په يوه ترافيکي پيښه کې ټپي شوی

زمونږ خبریال راپور راکړی د افغانستان بانک وياند حسيب الله نوري وایي، چې د دې بانک سرپرست هدایت الله بدري د کندهار— هرات پر لویه لار د ټرافیکي پېښې له امله په سطحي ډول ټپي شوی او اوس یې روغتیایي وضعیت د ډاډ وړ دی.

حسيب الله نوري زیاتوي، چې هدایت الله بدري به له درملنې وروسته ژر تر ژره خپلې دندې ته راوګرځي.

ښاغلی بدري هرات ته په رسمي سفر تللی و او په لاره کې یې موټر ترافیکي حادثه کړې وه.